 |
СПОРТСКИ КАЧУВАЧ:
- историја на спортското качување;
- основни чворови (осмица, полулагерски, лагерски, прусиков);
- опрема која се користи (карактеристики, издржливост, стандарди);
- качување како прв во насока со тежина VI+ или 6а+;
- сигурносни клинови (карактеристика и нивна примена);
- прва помош;
- падови;
- курсот трае од 5 до 8 викенди, со задолжителна посетеност на два Македонски качувачки локалитети;
СПОРТСКИ КАЧУВАЧ - ИНСТРУКТОР:
* истите поими како за спортски качувач, и
- водење (Flash) насока со тежина VIII или 7а;
- отворање најмалку 3 спортско качувачки насоки (поставување клинови, чистење, нејзино оценување);
- техника на качување;
- извлекување од карпа;
- тренинг систем-програма за почетник;
- посета на семинар за спортски качувач-инструктор;
СПОРТСКИ КАЧУВАЧ - ТРЕНЕР:
* истите поими како за спортски качувач инструктор, и
- учество на натпревари;
- познавање техника на спортското качување и систем на тренинг за врвни
спортисти;
- владеење на правилата за организација на натпревари и организирање на
натпревари (најмалку еден) во спортското качување;
СПОРТСКИ КАЧУВАЧ - ТРЕНЕР I КЛАСА:
* истите поими како за спортски качувач тренер, и
- активно организирање и дејствување на полето на спортското качување повеќе од 10 години; Овие стандарди се во согласност со UIAA стандардите. Стандардите се оние кои ги водат и подучуваат останатите во качувањето на природни и вештачки карпи, како единка или група. Овие лиценци се валидни само за карпи кои не преставуваат никакви планински
висински проблеми, како во пристапот до карпата за качување, така и за симнувањето од неа како една целина.
Напомена: За звањето инструктор е задолжителна негова проверка со посета на семинар на секои 3(три) години. Доколку се загуби титулата инструктор последователно се губи и правото да работи како инструктор, а титулата си останува. Секој кандидат по завршување на курсот за спортски качувач стекнува диплома која му ја доделува матичниот клуб/друштво, а ја верификува во Асоцијацијата. Дипломата за спортски качувач Инструктор, Тренер и Тренер I класа ја доделува Асоцијацијата.
Член 1
Секој клубот/друштвото самостојно организира курсеви за спортски качувач во согласност со стандардите.
Член 2
Клубот/Друштвото од Асоцијација подигнува формулар за курс за спортски качувач кој го пополнува инструкторот и и го доставува до Асоцијацијата.
Член 3
Клубот/Друштвото му доделува диплома на кандидатот кој го положил курсот и се здобил со назив спортски качувач.
Член 4
Дипломата за спортски качувач ја иновира и изготвува саомостојно секој клуб/друштво.
Член 5
Асоцијацијата ги заверува сите положени курсисти со стекнат назив спортски качувач.
Член 6
Полагањето во секој клуб/друштво го врши комисија составена од инструктори.
Член 7
Инструкторите кои го изведуваат курсот ја имаат стекнато титулата на Државно ниво односно називот им го доделила Спортско Качувачката Асоцијација при ФПСМ.
Член 8
Семинарите и Курсевите за инструктори и тренери ги организира Комисија за полагање при СКА.
Член 9
Комисијата за полагање при СКА е составена од 3(три) инструктори.
Член 10
Мандатот на Комисија за полагање е 365 дена односно 1(една) година.
Член 11
Комисијата за полагање ја составува Претседателството на СКА
Член 12
Кандидатите кои го положиле курсот за инструктор, тренер или тренер I класа добиваат диплома од Спортско Качувачката Асоцијација при ФПСМ.
Член 13
Сите Државни спортско качувачки инструктори задолжително посетуваат семинар на секои три години, каде се проверува нивната стручна и физичка спрема.
Член 14
Староста на кандидатите за стекнување назив спортски качувач не ограничена. Додека пак старосната граница на кандидатите за стекнување назив спортски качувач-инструктор мора да биде со полни18 години, па нагоре.
Член 15
Сите стекнати називи уредно се чуваат во архивата на СКА при ФПСМ и воедно се доставуваат до Агенцијата за млади и спорт на Р.Македонија
19.06. 2003, Скопје
|
