Секоја година пред почетокот на првиот натпревар во таа
календарска натпреварувачка сезона, секој клуб/друштво треба да
поднесе пријава за Државна лиценца, која се однесува само за
ЕДЕН натпреварувач. Валидноста на Државната лиценца е (1)една календарска година. Пријава за Државна лиценца без печат и потпис од матичниот клуб/друштво член на ФПСМ*СКА* нема да биде призната и
прифатена. Сите пријави за Државна лиценца се праќаат по пошта или се
поднесуваат лично во ФПСМ*СКА*. Пријавите пратени по факс или
по е-маил не се признаваат и не се прифаќаат. Доколку ви требаат повеќе копии од пријавата за Државна лиценца, Ве молиме направете фотокопии.

ОБВРСКИ НА НАТПРЕВАРУВАЧОТ

Со пополнување на пријавата за Државна лиценца, натпреварувачот се
запознава со UIAA-ICC правилата кои истите се прифатени и прилагодени од страна на ФПСМ-СКА и се обврзува дека тој/таа ќе го почитува и ќе се
придржува кон тие правила и норми. За следните е должен:

- да биде запознаен и да се придржува кон правилата и нормите и да се
однесува како што доликува на еден спортист;

- да ги прифаќа официјалните известување, да ги прифаќа одлуките на
одговорните судии без импулсивно однесување или протест и да ја вежба
самоконтрола на личното однесување;

- да се огради од користење дроги, допинг средства и други забранети
супстанци и воедно да влијае врз другите, против користењето на овие
забранети суптанци;

- да се однесува со целосен респект кон натпреварувачите, одговорните,
организаторите, судиите и другите субјекти инволвирани во спортот и тоа
постојано, а не само за време на натпреварот.

ВАЖНИ ЗАБЕЛЕШКИ

Сите натпреварувачи (вклучувајќи ги и јуниорските категории натпреварувачи) кои се натпреваруваат во Македонската спортско
качувачка лига, задолжени се да поседуваат Државна лиценца за
натпреварувач, која се одобрува и се добива од ФПСМ*СКА*.
Оние натпреварувачи за кои нивните матични клубови/друштва
немаат поднесено барање за Државна лиценца, НЕМА да можат да
се натпреваруваат.

Пријава за МКД натпреварувачка лиценца ТУКА